E lindur nën emrin Margaret Masson Hardie Hasluck, si sot më 18 tetor 1948 ndërroi jetë studiuesja skoceze.
Pas diplomimit në universitetin “Aberdeen”, ajo do të ndiqte studimet pasuniversitare të thelluara në “Cambridge University” dhe shkollën Britanike të Athinës.
Haslluk është etnologjia dhe etnografia e një pjese të madhe të kulturës ballkanike, me studime të shumta në vende si Greqia, Turqia dhe stacionimi i fundit në Shqipëri.
Në vendin tonë, ajo është pritur përzemërsisht si nga figura të rëndësishme të kohës, por edhe nga vetë shteti shqiptar.
Pushtimi i Shqipërisë dhe largimi i britanikëve nga terreni shqiptar do të sillte largimin e saj drejt Athinës.
Të gjendur para zhvillimeve të reja, britanikët rikontaktojnë me agjenten e tyre FANY (First Aid Nursing Yeomanry), të cilën e kishin përdorur më parë në Athinë.
E lidhur shpirtërisht me Shqipërinë, Hasluck i ndjek me vëmendje lëvizjet politike të pas vitit 1944.
Për këtë periudhë ka korrespondenca me drejtuesit e kohës, por letrat dhe këshillat e saj nuk u vlerësuan aspak.
Studiuesja u nda nga jeta në Dublin, duke lënë për studiuesit një mori veprash por edhe studime në terren mbi fushën e inteligjencës, të cilat nuk janë zbuluar ende për publikun e gjerë.
Mes dokumenteve që ruhen në AQSH të Margaret Hasluck më poshtë vijon një vizatim i saji ku pasqyron përshkimin e saj në vendin tonë gjithashtu dhe një peizazh të skicuar me laps.
