Thomas Strakosha, sipas medias britanike “Talk Sport”, mund të transferohet te Manchester United.
Portieri shqiptar, të cilit i përfundoi kontrata me Lazion, është duke negociuar me disa klube, por së fundmi në garë është futur fuqishëm edhe klubi i madh anglez.
United ka huazuar te Nottingham Forest portierin e dytë, Dean Henderson, dhe aktualisht ka në organikë vetëm spanjollin David De Gea, ndaj Strakosha paraqet një alternativë mjaft të mirë.
27-vjeçari Strakosha, pas 10 vitesh dhe 208 ndeshjesh me Lazion, u largua nga klubi i kryeqytetit italian.
