Edhe pse është e përjashtuar nga UEFA dhe FIFA në çdo kompeticion, Rusia ka prezantuar zyrtarisht kandidaturën për të pritur kampionatet europiane të futbollit Euro 2028 ose Euro 2032.
Ka qenë kjo një nga dëshirat e presidentit Vladimir Putin në futbollin botëror. Ai ka kërkuar që pas Botërorit 2018, vendi i tij të organizojë një tjetër event madhor edhe pse ndodhet në një situatë të pazakontë.
UEFA prezantoi listën e vendeve kandidatë ku Britania e Madhe dhe Irlanda do të kenë rivalë Rusinë dhe Turqinë. Sipas qeverisë së futbollit, palët do të kenë kohë deri në prill të vitit të ardhshëm dhe më pas të prezantojnë projektin e tyre.
