Gjatë pjesës së parë të këtij edicioni, Arsenali është përballur me probleme në mbrojtje, si pasojë e lëndimeve të shpeshta të lojtarëve.
Prandaj, Unai Emery kërkon me ngulm që në javën e mbetur të afatit kalimtar të janarit ta transferojë të paktën një mbrojtës.
Sipas Sunday Mirror, Emery e dëshiron Gary Cahillin e Chelseat, si mbrojtësin e duhur për t’ia zgjidhur problemet.
Cahillit i është thënë se mund të largohet nga Chelsea nëse dëshiron të luajë më shumë, pasi e ka humbur vendin nën udhëheqjen e Maurizio Sarrit.
Arsenali i humbi Sokratisin dhe Laurent Koscielnyt në humbjen ndaj Manchester Unitedit në FA Cup, derisa Hecor Bellerin do të mungojë shumë gjatë.
