Një ditë pas lajmit se Milani është duke shfaqur interesim të madh për lojtarin më të talentuar të Kosovës, Edon Zhegrovën, mediat raportojnë se edhe gjiganti katalonas Barcelona ka ngjallur interesim për 19-vjeçarin.
Gjiganti katalonas, bashkë me Milanin, është klubi që ka shfaqur interesimin më të madh për ta pasur në radhët e veta lojtarin premtues të Genkut dhe Kosovës. Zhegrova kaloi nëpër akademinë e të rinjve në St. Truiden Football Club, dhe që prej verës së 2017-es është pjesë e Genkut në ligën belge.
Në 27 ndeshje zyrtare për belgët, anësori kosovar, i cili mund të luajë në të dy krahët e sulmit, i ka shënuar 5 gola dhe ka dhuruar tri asiste.
Me Kosovën, ndërkohë, 19-vjeçari ka bërë tetë paraqitje që prej debutimit të tij në mars të 2018-es, duke i shënuar dy gola.
