Albania
“Edi Rama duhet të lërë mandatin”- Denoncimi i PD: Thjeshtra e kryeministrit fiton tendera dhe para publike pa figuruar pronare
Zëdhënësja anti-korrupsion e Partisë Demokratike të Rithemelimit, Genta Vangjeli, ka denoncuar në një deklaratë për mediat tenderat e fituara nga Rea Xhillari, thjeshtar e kryeministrit Edi Rama.
Vangjeli shprehet se “thjeshtra e Kryeministrit, merr pjesë dhe zbaton tendera publikë, pa figuruar pronare e drejtpërdrejtë”, por sipas saj, “e lidhur me subjekte dhe si bashkëpunëtore, përfituese vlerash monetare prej tyre”.
Ndër të tjera ajo tha se Edi Rama është në konflikt të hapur interesi dhe ligji e ka të qartë qëndrimin për raste të tilla.
“Edi Rama duhet të kishte lënë mandatin, Edi Rama duhet të lërë mandatin”, thekson Genta Vangjeli.
Deklarata e Genta Vangjelit
Edi Rama u përbetua dje, në monologun e gjatë me gazetarët, se familjarët e tij nuk përfitojnë nga kontratat publike.
Kjo është krejtësisht e pavërtetë, siç do ta dëshmojnë dokumentet e nxjerra nga databazat publike, që po ia vëmë në dispozicion medias.
Në fillim duam të sqarojmë se ka dy mënyra se si Rea Xhillari, thjeshtra e Kryeministrit, merr pjesë dhe zbaton tendera publikë, pa figuruar pronare e drejtpërdrejtë, por e lidhur me subjekte dhe si bashkëpunëtore, përfituese vlerash monetare prej tyre.
Së pari, nëpërmjet subjektit tregtar 51N4E, një shoqëri Belge me degë edhe në Shqipëri, sikurse mund ta shihni në ekstraktin bashkëlidhur, marrë nga QKB, ku pjesë e stafit bashkëpunëtor rezulton të ketë qenë edhe Rea Xhillari. Kjo shoqëri belge, e kontaktuar që në 2004 nga Edi Rama, kur ishte kryetar i Bashkisë, ka projektuar disa kulla në Tiranë dhe lejet i ka dhënë Rama.
Së dyti, nëpërmjet kompanisë “I RI shpk” me pronarë fillestarë G.A. me 50% të kuotave, dhe kompaninë belge 51N4E me 50% të kuotave.Pra, në të dyja rastet, zonja Xhillari lidhet me tenderat me anë të 51N4E, herë si pjesë e shoqërisë “I Ri shpk” dhe herë vetëm nëpërmjet 51N4E, pa qenë pjesë e “I Ri shpk”.
Duam të theksojmë për publikun edhe një element të rëndësishëm, që tregon shumë për implikimin e familjarëve të kryeminsitrit në skema të përfitimit të parave nga fondet publike.
Pas denoncimeve të njëpasnjëshme që janë bërë nga kryetari i PD, Sali Berisha, dhe përfaqësues të tjerë të opozitës, më datën 28 Prill 2023 (rregjistruar në QKB në 24 Maj 2023), kanë ndodhur ndryshime me pronësinë e “I RI SHPK”. Kështu, është larguar kompania e lidhur me Rea Xhillarin, dhe pronar me 100% të kuotave është bërë ortaku tjetër i shoqërisë, G.A.
Sqarojmë se Rea Xhillari dhe G.A rezultojnë të dy si persona të përfshirë në shoqërinë belge 51N4E.
Me anë të “I RI shpk” janë përfituar 33 pagesa publike për kontrata publike në vlerën totale 1.9 MILIARD lek te vjetra.
Dhe me kompaninë tjetër 51N4E, regjistruar në QKB si kompani-degë e asaj të huaj, janë përfituar për periudhën 2014 – 2023 kontrata publike nga Bashkia Tiranë, FSHZH, dhe Agjencia Kombëtare e Planifikimit të Territorit, 1 miliard lek.
Pra, në total 2.9 miliard lekë fonde publike janë përfituar nga dy kompanitë e lidhura me pjesë Rea Xhillari (I RI shpk dhe 514NE).
Vini re se “shpërthimi” i zonjës Xhillari dhe fondeve publike që shkojnë në shuma të mëdha drejt kompanive të lidhura me të ndodh, krejt si “rastësisht” pas ardhjes së Edi Ramës në pushtet.
Tenderat për thjeshtrën vazhdojnë edhe pse herë pas here ka ndonjë tërheqje ‘taktike’ si ajo që shënuam më lart. Në buletinin e APP, datë 30 tetor 2023, pra para tri javësh, është publikuar njoftimi i fituesit për procedurën e prokurimit, jo të hapur por ME NEGOCIM PA SHPALLJE, ndërmjet FSHZH dhe 51N4E për objektin: “Masterplani i kompleksit sportiv të stadiumit “Niko Dovana” dhe zhvillimi i zonës multifunksionale përreth”, me vlerë të ofruar 360. 8 milion lekë. Bashkia Tiranës, si institucioni kryesor që i jep tendera Reas, përveç sa më sipër, në Korrik 2020 ka nisur fazën e dytë të konkursit ndërkombëtar për projektin e ndërtimit të godinës së re të Bashkisë Tiranë (që do ndërtohet te Bulevardi i Ri.
Në vend të parë nga 10 studiot projektuese të cilat u përzgjodhën është Projekti i studios belge të Xaveer De Geyter XDGA dhe ajo shqiptare “I RI dhe ky i fundit subjekt i lidhur me familjaren e KM sikurse shpjeguam me lart.
Projekte të tjera për të cilat janë kontraktuar 2 subjektet e lidhura me Xhillarin janë:
Sheshi Skenderbej 2017
Kulla TID 2016
Muzeu Kombëtar
Sheshi Flamurit
Lungomare
Eko Park Durrës
Ato janë gjithashtu fituese të konkurseve për ndërtimin e kullave private ku kryetari de facto i jurive është thjeshtri i vendit Edi Rama.
Me të vërtetë kjo studio projektuese e nderuar është e pakonkurueshme nga asnje simotër e saj, apo ndoshta influeca e KM dhe bashkëpunimi me Xhillarin e bëjnë atë kaq të suksesshme dhe i japin kaq akses në Shqipëri.
Do apo nuk do zoti Rama, këto janë faktet. Familjarët e tij janë duar e këmbë të favorizuar në fonde publike dhe cdo mohim është refuzim i fakteve kokëforta.
Edi Rama është në konfikt të hapur interesi dhe ligji e ka të qartë qëndrimin për raste të tilla.
Edi Rama duhet të kishte lënë mandatin, Edi Rama duhet të lërë mandatin
Qytetarët e Vlorës kanë protestuar sërish sot para dyerve të Bashkisë pasi prej 4-5 ditësh janë pa ujë të pijshëm pas një defekti në linjën kryesore të ujësjellësit.
Njëri prej qytetarëve ka telefonuar kryebashkiaken Brunilda Mersini duke i kërkuar që të vijë personalisht dhe të bisedojë me qytetarët për situatën por Mersini i ka mbyllur telefonin qytetarit pa i dhënë asnjë zgjidhje.
Si pasojë e pakënaqësisë, qytetarët janë zhvendosur në rrugën kryesore, duke bllokuar qarkullimin. Ata kanë pasur disa përplasje me policinë dhe kanë hedhur vezë dhe letra higjenike para ambienteve të Bashkisë.
Ndërkohë, Ujësjellësi i Vlorës ka njoftuar banorët se uji i sjellë me autobotë duhet përdorur vetëm për nevoja emergjente dhe jo për konsum oral. Në njoftim thuhet:
‘Ujësjellës Kanalizimeve Rajoni Vlorë, njofton qytetarët se ujin të cilin po e marrin nga autobotet, duhet t’a përdorin për nevoja emergjente dhe jo për përdorim oral.’
Nga ana tjetër qytetarët shprehen se autoboti që shihni në foto përdoret për zhbllokimin e pusetave të ujërave të zeza, por tani po shpërndan edhe ujë dhe në pikë të hallit kanë marrë bidonat dhe po mbushin ujë.
Albania
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Kryetarja e Bashkisë së Vlorës Bruna Mersini, në një deklaratë për mediat lidhur me situatën e mungesës së ujit prej katër ditësh në Vlorë, u shpreh se problemi vjen prej ujësjellësit dhe se kjo nuk është në përgjegjësi të bashkisë.
Sipas saj, defekti në tubacion që la Vlorën katër ditë pa ujë, është “fatkeqësi natyrore” dhe se nuk duhet përdorur për politikë.
“Kjo është një fatkeqësi natyrore, nuk duhet përdorur për të bërë politikë. Nuk është momenti të bëjmë analiza dhe të gjejmë fajtorin, është momenti të japim zgjidhjen.
Dhe zgjidhja është duke ardhur nga Turqia: në orën 02:30 zbret avioni me tre pjesë rezervë, të cilat në orën 17:00 mbërrijnë në Vlorë.
Ndërkohë, zgjidhja e përkohshme duket se po funksionon pjesërisht. Jemi duke i dhënë ujë qytetit pjesërisht nëpërmjet ujësjellësit dhe, ndërkohë, 15 autobotë dhe emergjencat civile janë në terren duke shpërndarë ujë me koli”, tha ajo.
Albania
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Gjykata në Mechelen të Belgjikës ka shpallur fajtor për trafik droge një shqiptar 23-vjeçar. Dy muaj më parë, pas një ndjekjeje, ai u bllokua nga policia dhe në makinën e tij u gjetën pothuajse 5 kilogramë kokainë. I riu – që sipas tij vepronte për shkak të borxheve nga lojërat e fatit – nuk i mohoi faktet. “Por ju lutem, më lini të kthehem sa më shpejt në vendin tim,” kërkoi ai gjatë seancës gjyqësore.
Policia e kishte vënë re makinën e të riut në fillim të shtatorit 2024 gjatë një kontrolli në Mechelen. Kur oficerët tentuan ta ndalonin, ai u largua me shpejtësi. Ndjekja zgjati shumë pak: disa metra më tutje, makina u bllokua.
“Kjo ndodhi sepse disa automjete kishin ndaluar në rrugë,” u tha në seancë.
Ajo që ra në sy ishte se xhami i pasmë i makinës ishte i hapur. Një qese blu, e vërejtur gjatë kontrollit, ishte zhdukur.
“Por u gjet shumë shpejt,” shpjegoi prokurori Bjorn Vervoort. “Në qesen plastike kishte pak më pak se 4.6 kilogramë kokainë.”
Vlera e drogës në tregun e rrugës ishte mbi 230 mijë euro.
“Një sasi e tillë nuk u jepet tregtarëve të zakonshëm,” theksoi prokurori, duke sugjeruar se shqiptari nuk ishte një shitës i thjeshtë, por kishte mundësisht një rol të rëndësishëm në një rrjet më të madh trafiku.
“Edhe 600 eurot cash – në prerje prej 50 eurosh – si dhe dy telefonat celularë të gjetur në makinën e tij (një makinë me qira) mund të jenë prova shtesë,” shtoi prokurori.
Ai kërkoi një dënim me 2 vite burg dhe një gjobë prej 8.000 eurosh.
“Kam ardhur në Belgjikë për të punuar në ndërtim,” tha 23-vjeçari. “Me këto para doja të shlyeja borxhet e bixhozit, rreth 30.000 euro. Por këtu nuk gjeta punë.”
I riu deklaroi se kishte hyrë rastësisht në botën e drogës.
“Gjatë një daljeje nate në Bruksel,” pranoi ai. “Papritur më folën, më dhanë para dhe gjithë atë kokainë. Në këmbim, duhej ta shisja”.
Avokati i tij, Kilian Rabau, i kërkoi gjykatës të mos japë dënim efektiv me burg, por burg me kusht.
“Le të jetë një sinjal i fortë, por lejojeni të kthehet në vendin e tij,” tha ai.
Pas shqyrtimit, gjykatësja vendosi se faktet ishin të provuara dhe e dënoi të riun me 2 vite burg me kusht dhe një gjobë prej 8.000 eurosh.
Zbulohet pas 12 vitesh, çfarë tha Michael Schumacher para se të aksidentohej
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
20 pikat e Zelenskyt për t’i dhënë fund luftës, Rusia kundër!
FOTO/ Nëna me dy fëmijët humbën jetën në një zjarr tragjik në Angli
Autoboti i pastrimit të ujërave të zeza, po shpërndan ujë për qytetarët në Vlorë
Strakosha në formë të jashtëzakonshme, AEK-u gjen stabilitet. Garanci edhe për Kombëtaren
I dhanë mundësinë të krijojë qeverinë pa opozitën, Kurti mesazh falënderues për të gjithë votuesit e LVV: U jemi mirënjohës përjetë
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shpërthimi në Shkodër, OSHEE përgënjeshtron Policinë: Nuk ka ndodhur për shkak të boksit të matësve në pallat
Berisha: Nuk ka forcë në botë që e mban në pushtet Edi Ramën në qoftë se ne i pushtojmë sheshin. Kjo është rruga!
“Kurti fitues pas muajsh bllokade politike”, BBC: Normalizimi i marrëdhënieve me Brukselin dhe Uashingtonin në axhendën e qeverisë së re
Kush është “zbatuesi hije” i Shtëpisë së Bardhë me ndikim të jashtëzakonshëm te Trump
Përfundon numërimi i votave për subjektet politike, nis numërimi për kandidatët në 38 Qendra Komunale
Shqiptari në Britani shpëton nga deportimi pasi “partnerja nuk i flet shqip”
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Rrëzohet aeroplani në Britani, alarm në aeroportin Southend në Londër
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Dalin Exit Poll-et e para, Vetëvendosja rikonfirmohet forcë e parë, Hamza 23.9 përqind, Abdixhiku 16.1 përqind
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Spitalet paralajmëruan se kriza e kujdesit në fund të jetës kërcënon trajtimin
Presidenti i Ukrainës, Zelensky mbërrin në Mar-a-Lago, takohet me presidentin Trump
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
UK2 hours agoFOTO/ Nëna me dy fëmijët humbën jetën në një zjarr tragjik në Angli
-
Albania3 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania18 hours ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
Sports1 hour agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania18 hours ago
Anomalia e buxhetit, 2 miliardë euro shpenzime në dhjetor
-
Albania19 hours ago
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri