Kryeministri Edi Rama, ka zgjedhur të publikojë një spot, këtë herë me protagoniste aktoren, Tinka Kurti.
Në videon e publikuar në rrjetet sociale, aktorja thotë se në kohë të vështira, Shqipërisë i duhet Edi Rama, pasi ai nuk ndalet kurrë, punon për ne.
“Kur përballemi me kohë më të vështira, Shqipërisë i duhet Edi Rama, ai nuk ndalet kurrë. Ai punon për Shqipërinë si askush tjetër”, -shprehet aktorja Tinka Kurti.
Kujtomë që, më herët protagonist në fushatën e Partisë Socialiste, u bë edhe aktori i njohur Robert Ndrenika.
