Tetëmbëdhjetë vjet pasi Jaswinder Sidhu ishte vrarë në Indi, nëna dhe daja i saj janë ekstraduar nga Kanadaja në Indi, për t’iu nënshtruar gjykimit për krimin e dyshuar.
Malkit Kaur Sidhu dhe Surjit Singh Badesha, të cilët tashmë kanë shtetësi kanadeze, janë dërguar në mbajtje nga policia indiane. Ata akuzohen për dhënien e urdhrit për vrasje, pasi Jaswinder ishte martuar me një vozitës qerresh. Sidoqoftë, të akuzuarit e kanë mohuar akuzën për porositje të vrasjes.
Ata ishin arrestuar në Kanada në vitin 2012 duke u mbështetur në rregullat për ekstradim pas një hetimi të përbashkët mes policisë kanadeze dhe autoriteteve indiane. Mbetet ende e paqartë se kur do të fillojë gjykimi për këtë rast.
Ish-bashkëshorti i viktimës, Sukhwinder Singh, ka thënë se të akuzuarit duhet të dënohen me burgim të përjetshëm dhe se nuk dëshiron që ata të dënohen me vdekje. Për më tepër, ai tha se i është mirënjohës policisë për kryerjen e punës së tyre me sukses për këtë rast, shkruan “BBC”.
