Ekspertët e shëndetit kanë mbrojtur shefin e sëmundjeve infektive në SHBA, Dr. Anthony Fauci pas kritikave nga Shtëpia e Bardhë.
Tensionet midis Dr. Fauci – një zë kryesor në reagimin e pandemisë amerikane – dhe presidentit Trump janë rritur dhe, të dielën, një zyrtar i administratës Trump ndau një listë që përshkruan komentet e kaluara të gabuara nga eksperti i shëndetit publik, përfshirë ndryshimin e udhëzimeve të tij për maskat.
Megjithëse zyrtarët kanë mohuar çdo konflikt midis Dr. Faucit dhe Presidentit Trump, ekspertët mjekësorë kanë qortuar Shtëpinë e Bardhë mbi memorandumin.
Shoqata e Kolegjeve Mjekësore Amerikane tha që marrja e citateve të Dr Faucit “jashtë kontekstit për të diskredituar njohuritë dhe gjykimin e tij shkencor do të bëjë dëm të jashtëzakonshëm në përpjekjet e kombit tonë për të marrë virusin nën kontroll, për të rivendosur ekonominë tonë dhe rikthimit në një mënyrë më normale të jetës”.
Shoqata e Sëmundjeve Infektive të Amerikës tha: “Nëse kemi ndonjë shpresë për t’i dhënë fund kësaj krize, e gjithë Amerika duhet të mbështesë ekspertët e shëndetit publik, përfshirë Dr. Faucin, shkencëtarin kryesor të sëmundjeve infektive dhe ekspertin e shëndetit publik në vend dhe personin më të mirë për punë.”
Dr. Ashish Jha, drejtor i Institutit Global të Shëndetit në Universitetin e Harvardit, shkroi në Twitter: “Nënvlerësimi i Dr Faucit e bën reagimin federal më keq. Dhe është populli amerikan, ai që vuan”.
Ish-drejtori i Qendrave të Kontrollit të Sëmundjeve, Tom Frieden ka vlerësuar kritikat e administratës ndaj agjencisë shëndetësore në përgjithësi, duke thënë: “Nëse do të kishte kaq shumë përqendrim edhe në sulmin ndaj virusit Covid, të gjithë do të ishim më të sigurt.”/BBC
