Sipas një prej operatorëve më të mëdhenj të industrisë së shërbimit të njerëzve të moshuar rreth 7,500 njerëz mund të kenë vdekur pas kontraktimit të koronavirusit në shtëpitë e kujdesit.
Care England përfaqëson 3.800 shtëpi me më shumë se 50,000 persona, dhe vlerësimi i organizatës bazohet në të dhënat që ka mbledhur nga këto ambiente.
Por, profesori Martin Green, drejtuesi ekzekutiv i Care England, i tha The Daily Telegraph se “është shumë e vështirë të jepet një shifër absolute pa e vlerësuar”.
Shifrat më të fundit zyrtare nga Zyra për Statistikat Kombëtare tregojnë se ka pasur 217 vdekje në shtëpi kujdesi pas një diagnoze COVID-19, por kjo është vetëm e saktë që nga 3 Prilli.
Sidoqoftë, Shëndetit Publik Anglez ka konfirmuar se që nga 15 prilli ka pasur shpërthime të koronavirusit në 3,084 shtëpi të kujdesit anglez.
Ekspertët kanë shprehur shqetësimin se vdekjet në shtëpitë e përkujdesjes së të moshuarve po kalojnë “në heshtje”, pasi përditësimi i Departamentit të Shëndetësisë për vdekjet llogarit vetëm ata që kanë vdekur në spitale pas kontraktimit të COVID-19.
Në të gjithë Mbretërinë e Bashkuar, janë raportuar gjithsej 14.576 vdekje në spitale.
Shifrat e sakta nga shtëpitë e kujdesit janë vonuar për disa javë sepse procedurat aktuale mbështeten në çertifikatat e vdekjes, të cilat duhet të regjistrohen dhe përpunohen.
Në fillim të kësaj jave, profesori Yvonne Doyle, drejtori i Shëndetit Publik në Angli tha që agjensitë po punonin për krijimin e të “dhënave shumë më të shpejta, mundësisht në baza ditore”.
Po ashtu, Sekretari i Shëndetit, Matt Hancock ka premtuar se të dhënat për banorët e shtëpive të kujdesit që vdesin me koronavirus do të jenë në dispozicion “shumë shpejt” – duke konfirmuar se Komisioni i Cilësisë së Kujdesit kishte filluar që nga e enjtja të mbledhë të dhëna për vdekjet në spitale dhe shtëpitë e kujdesit. Sidoqoftë, z. Hancock nuk specifikoi kur, ose sa shpesh, këto të dhëna do të publikohen.
Një zëdhënës i qeverisë tha se “po punohet për t’i dhënë sektorit të kujdesit social pajisjet dhe mbështetjen e nevojshme”.
Në një deklaratë, Departamenti i Shëndetësisë shtoi: “Si qeveri, ne kemi për detyrë të raportojmë informacion të verifikuar. Është e rëndësishme që të kemi të dhënat më të mira të mundshme të besueshme për të ditur se sa vdekje ka, kudo që ndodhin. Në një hap të rëndësishëm përpara, ONS tani po siguron një ndarje të vdekjeve sipas vendndodhjes. Ne aktualisht jemi duke punuar me CQC dhe organizata të tjera për të kuptuar se si të sigurojmë më mirë informacionin e përditesuar për vdekjet në shtëpitë e përkujdesjes dhe gjetkë.”
Në fillim të kësaj jave, menaxheri i një shtëpie kujdesi ndër më të goditurat nga pandemia e koronavirusit i tha Sky News se ndjehen “të lëshuar nga qeveria”.
Të enjten, menaxheri i Oak Springs Care Home në Liverpool tha se 16 banorë kishin vdekur pas kontraktimit të COVID-19, dhe tetë të tjerë ende kishin simptoma.
Një sondazh nga studiuesit e Sky Neës ka zbuluar se disa shtëpi të kujdesit në vend kanë qenë në gjendje të testojnë banorët ose stafin e tyre për COVID-19.
Ndërkohë, një grup prej më shumë se 30 deputetësh kanë sugjeruar se pretendimet e Z. Hancock që njerëzit në shtëpitë e përkujdesjes janë testuar që nga fillimi i pandemisë nuk “vërtetohet me prova në terren”.
Shifrat nga pesë vende evropiane kanë treguar se vdekjet e personave në janë llogaritur midis 42% dhe 57% të të gjitha vdekjeve të lidhura me COVID-19.
Kjo gjithashtu sugjeron që shifrat e përditshme të shpallura nga qeveria e Mbretërisë së Bashkuar janë nënvlerësuar shumë.
Caroline Abrahams, drejtore bamirësie e Age UK, tha që mungesa e pajisjeve mbrojtëse personale dhe mungesa e testimeve e kanë favorizuar COVID-19 të “vraponte egër” në shtëpitë e kujdesit.
“Shifrat e tanishme janë duke pastruar të moshuarit, pasi duket sikur ata nuk kanë rëndësi,” tha ajo. (Sky News)
