Eksperti i sigurisë, Fatjon Softa, i ftuar në studion e “Ditarit”, në A2 CNN, tregoi qytetet më të prekur nga kriminaliteti në Shqipëri.
“Në të gjithë Shqipërinë ka një lloj pasigurie, por kjo ndihet më shumë në zonat urbane.
Edhe Saranda, që në vitin 1997 ka qenë e qetë, sot është kthyer në një qytet ku përdoret eksploziv, ku janë larë hesapet mes grupeve kriminale, ku ka rrëmbim personash…
Por, qytetet më tipike janë Tirana, Vlora, Fieri, Lezha, Shkodra dhe Durrësi. Këto janë qendra të aktiviteteve të grupeve të krimit të organizuar”, tha Softa.
