Një ekuipazh i SpaceX prej tre astronautësh amerikanë dhe një kozmonaut rus ka mbërritur në Stacionin Ndërkombëtar të Hapësirës (ISS). Ata iu bashkuan një ekuipazhi prej 6 personash aktualisht në stacionin hapësinor.
Misioni Crew-8 do të jetë në hapësirë për gjashtë muaj. Hapësira është një nga zonat e pakta ku SHBA dhe Rusia vazhdojnë të bashkëpunojnë ngushtë pavarësisht luftës në Ukrainë.
Një prej detyrave përfshinstudimin e rritjes së kristaleve të proteinave dhe qelizave staminale, me fokus në gjetjen e kurave për kancerin dhe dobësimin e kockave.
Ata gjithashtu do të studiojnë efektet e mikrogravitetit dhe rrezatimit ultravjollcë që është më i përhapur tek bimët. Eksperimentet, megjithëse janë interesante, nuk ka gjasa të çojnë në zbulime të mëdha shkencore ose të fitojnë çmime Nobel.
Qëllimi kryesor i këtyre misioneve është fitimi i përvojës së jetesës dhe punës në hapësirë për fazën tjetër të eksplorimit të hapësirës.
Do të jetë një nga më shumë se 200 eksperimentet shkencore që do të kryhen gjatë misionit, i planifikuar të përfundojë në mes të gushtit, sipas menaxherit të programit të ISS të NASA-s, Joel Montalbano.Ekuipazhi prej katër personash u largua nga Qendra Hapësinore Kennedy në Florida në orën 22:53 me kohën lokale.
