Njeriu më i pasur në botë dhe një ndihmës i ngushtë i presidentit të zgjedhur në SHBA, Donald Trump, vazhdon sulmet ndaj miliarderit ultra-majtist, George Soros.
Elon Musk përsëriti në një postim në median sociale se Soros urren njerëzimin.
Por ai shtoi se kjo urrejtje përfshin edhe Izraelin.
“Meqë ra fjala, urrejtja e Sorosit për njerëzimin përfshin edhe Izraelin,” shkroi Musk.
Ai shpërndau në platformën e tij në X edhe një link ku thuhet se organizatat e Sorosit kanë ndihmuar në financimin e organizatës terroriste Hamas.
Edhe më përpara, Musk ka deklaruar se Soros e urren njerëzimin dhe kërkon ta shkatërrojë atë.
Ndërkohë Musk është zotuar se do të luftojë kundër prokurorëve të mbështetur nga Soros në SHBA, pasi i akuzon se kanë shkatërruar rendin dhe sigurinë në Amerikë.
