Kush është miliarder mund të bëjë çfarë do, përfshi edhe një qytet të tërin për vete dhe për punonjësit e tij.
Është pikërisht ky rasti i fundit i Elon Musk, i cili siç ka raportuar media amerikane “Wall Street Journal”, po ngre në këmbë një qytet të tërë, në të cilin do të mund të jetojnë punonjësit e kompanive të tij, kryesisht Tesla.
Qendra është e vendosur në Texas, aty ku edhe fabrika kryesore e Tesla ndodhet tashmë dhe sipas raportimeve, çdo punonjës që ka dëshirë të marrë një shtëpi aty, do ta paguajë atë shumë më pak se sa çmimi i tregut.
Qendra e banuar, sipas raportimeve, do të gjendet pranë një metropoli siç është qyteti i madh i Austin dhe do të ofrojë çdo facilitet të mendueshëm për banorët e tij.
Kjo nuk është një mënyrë e re për të joshur personat t’i bashkohen ekipit të një kompanie apo korporate.
Ka pasur raste në të shkuarën, kur gjigandë të sipërmarrjes i kanë ofruar punonjësve shtëpi pranë zyrave, apo kushte të favorshme financimi dhe kredie.
Por, një qytet të tërë, nuk e ka bërë askush më parë dhe Musk, e ka vërtetuar edhe më parë se e ka seriozisht atë çfarë thotë.
E gjitha dukej një ide utopike fillimisht, e cila u zhvillua në kohë dhe tashmë do të gjejë edhe konkretizim.
Objektivi i vërtetë i manjatit amerikan, është ai që të bashkojë në një territor të caktuar gjithë stafin e Tesla, SpaceX si edhe Boring Co., në mënyrë që të gjitha fabrikat e tre kompanive që ai zotëron, të jenë të aksesueshme lehtësisht.
Në fakt, fabrikat gjenden po ashtu pranë Austin-it në Texas dhe ky konfigurim, mund të jetë një lëvizje fituese brilante nga ana e Musk, i cili do të përpiqet kështu të joshë talente të reja dhe punonjës energjikë, në mbretërinë e tij të vogël brenda SHBA-ve.
