Më shumë se 500 punonjës të kompanisë revolucionare të inteligjencës artificiale (AI) OpenAI kanë thënë se do të largohen nëse CEO i rrëzuar Sam Altman nuk rikthehet dhe bordi nuk jep dorëheqjen.
Një letër nga 505 nga rreth 700 punonjës të OpenAI kërcënuan se do të largoheshin dhe do t’i shkonin te Microsoft-it, pasi kishin marrë garanci se ka punë për ta në gjigantin e teknologjisë.
Anëtarët kryesorë të menaxhmentit janë nënshkruesit e letrës, duke përfshirë ish-CEO-n e përkohshme, shqiptaren Mira Murati, e cila u zëvendësua këtë mëngjes, dhe kryeshkencëtarin Ilya Sutskever.
Altman u shkarkua nga bordi i kompanisë jofitimprurëse të premten pasi ata thanë se ai “nuk ishte vazhdimisht i sinqertë në komunikimet e tij me bordin”.
Largimi i papritur i Sam Altman ngre pyetje madhore që duhet të na shqetësojnë të gjithëve, por letra e punonjësve shprehte pakënaqësi për vendimmarrjen e bordit.
“Pavarësisht kërkesave të shumta për fakte specifike për pretendimet tuaja, ju kurrë nuk keni ofruar asnjë provë”, thuhej në të.
Kritikat u bënë edhe ndaj bordit për mënyrën se si e trajtoi tranzicionin nga mandati i Altmanit dhe e akuzoi bordin për “negociim me keqbesim“.
Letra sugjeron gjithashtu se kishte pasur diskutime gjatë fundjavës me CEO-në e përkohshme në atë kohë, Muratin, për të zëvendësuar bordin.
Në vend të kësaj, theksohej, Murati u zëvendësua nga bordi dy ditë pasi u emërua.
Të hënën në mëngjes, Altman dhe presidenti i kompanisë Greg Brockman u punësuan nga Microsoft për të punuar në një projekt të ri kërkimor të avancuar të AI.
Aksionet e Microsoft janë në një nivel rekord pas lajmeve, duke u rritur me 1.4% të hënën në mëngjes.
OpenAI është kompania që qëndron pas chatbot-it gjenerues të AI që ndryshon lojën, i përdorur nga miliona, ChatGPT.
