Ishte nisur për në punë bashkë me kolegët e tij. Audrius Senavicius po shkonte në drejtim të pikës kufitare në veri të Kosovës për ta filluar ndërrimin, kur nga të shtënat me armë zjarri në drejtim të veturës me të cilën po udhëtonte mbeti i vrarë doganieri i EULEX-it.
Për këtë vrasje që ndodhi më 13 shtator 2013 nuk u ngrit asnjëherë ndonjë aktakuzë. Madje as pas shumë hetimesh, nuk është njoftuar për ndonjë të dyshuar që ka mundur ta kryejë këtë krim.
E janë Misioni i BE-së për Sundimin e Ligjit në Kosovë, EULEX të cilët i kanë thënë Dukagjinit se akoma janë në kërkim të vrasësve të prestarit të tyre.
Madje ky mision edhe jep shpërblim për atë që i ndihmon në zbardhjen e krimit.
“Deri më sot, autori apo autorët e kësaj vrasjeje nuk janë identifikuar dhe për këtë arsye nuk është ngritur aktakuzë. EULEX-i apelon që çdo person që mund të ketë informacione për këtë rast të dalë. Misioni ofron një shpërblim prej 82, 000 euro për informacione që çojnë në arrestimin dhe dënimin e autorit apo autorëve të kësaj vrasjeje” është përgjigjur EULEX, për RTV Dukagjini.
Nga EULEX po ashtu i kanë thënë televizionit që ky rast i është dorëzuar autoriteteve kosovare të drejtësisë menjëherë pasi që kanë përfunduar mandatin e tyre në Kosovë.
“I gjithë misioni iu dorëzua autoriteteve të Kosovës dosjet e rasteve të personave të pagjetur, si dhe dosjet e tij policore, prokuroriale dhe gjyqësore”, kishte njoftuar EULEX.
Dukagjini ka dërguar pyetje në drejtim të institucioneve të drejtësisë në vend pora koma nuk ka marr përgjigje.
E tëra çfarë mbete si dëshmi se Audrius Senavicius u vra në Kosovë, është një pllakë përkujtimore në vendin ku ai vdiq nga plagët e armës së zjarrit, në dalje të Komunës së Zveçanit. /Portali D/
