Nga shkrimtari Fehmi Pireva:
Unë po gjerb një kafe në mbrëmje
Hëna sapo doli, rrëzëllin mbi dhe,
Nuk di çfarë të lexoj diçka mes librave
E pazbërthyer më shfaqet enigma Kadare.
Diku hëna ka rënë mbi det, e diku pas mali
Shtjelloj mendime mbi ca rreshta,
Nga një enigmë e zbërthyer, zbres tek tjetra,
Një qilim pas shijes saj na ka shtruar vjeshta…
Bien perdet e shekujve si muzgu i natës
Ikën vezirë, tutje ca kontë,
Enigma kthehet në një yll mëngjesi,
Dhe tisi tretet para diellit në horizont.
