Enis Bardhi dha asistin në golin e fitores të Levantes në udhëtim ndaj Real Madridit. Kjo ndeshje u mbyll me rezultat 1:2.
Ndeshja për “Los Blancos” nisi në mënyrën më të keqe të mundshme. Militao u ndëshkua me karton të kuq qysh në minutën e nëntë, shkruan Gazeta Express.
Katër minuta më vonë, Asensio shënoi për epërsinë e Real Madridit, por që nuk zgjati shumë. Morales barazoi shifrat në minutën e 32-të.
Roger humbi penalltinë dhe mundësinë për ta kaluar Levanten në epërsi në minutën e 64-të, por 14 minuta më vonë e përmirësoi gabimin.
Pas një asistimi nga Enis Bardhi, Roger shënoi dhe vulosi fitoren e Levantes ndaj Real Madridit.
