Enver Hajdari, babai i kanidatit për deputet nga radhët e PDK-së, Petrit Hajdari, ka shkruar një letër prekëse për djalin e tij dhe të gjithë tërinjët e Kosovës, i cili brez duhet ta udhëheq shtetin e Kosovës.

Diplomati Petrit Hajdari garon me numrin 70 në listën zgjedhore të PDK-së.

Letra e plotë:

Të dashur bashkëqytetarë,

Advertisement

---

MONEYGRAM

së pari, uroj që në këto kohë të rënda pandemie, të jeni mirë me shëndet dhe t’i keni të dashurit tuaj mirë.

Sot kam vendosur t’ju shkruaj një letër publike juve, familjarë, miq, dashamirë e bashkëqytetarë. Në rininë time, kur atdheut i duhej, nuk hezitova asnjë moment që t’i përgjigjem thirrjes për të dalë maleve me pushkë. Kur lufta u krye, ne u kthyem të lirë në shtëpitë tona. Gjithçka fliste shqip.

Sot, njëzet e një vjet më pas, disa figura kyçe të asaj rezistence, po përballen me një gjyq të padrejtë e po e paguajnë me lirinë e tyre, atë që më parë e kishin paguar me shëndetin, djersën, e që ishin të gatshëm ta paguanin edhe me gjakun e tyre: çlirimin e Kosovës.

Advertisement

---

MONEYGRAM

Megjithë nevojën që interesat tona kombëtare të fuqizohen në Kuvendin e Kosovës, asnjëherë as nuk e kam shqyrtuar që të kërkoj votë, ndikim politik, apo pushtet për vete. Kjo sepse e kam të qartë që sot nuk është koha e pushkës, por patjetër që është koha e pendës, që ta mbrojë edhe pushkën, me dije, nder e krenari.

Prandaj, të dashur qytetarë të vendit tim, kam kënaqësinë t’ju them se i biri im, Petrit Hajdari, është në garë për deputet të Kuvendit të Republikës së Kosovës me numrin 70 nën logon dhe programin e Partisë Demokratike të Kosovës.

A mjafton të them se është djali im, që t’jua kërkoj votën për të? Patjetër që jo. Nuk kërkoj votë sepse e kam djalë, kërkoj votë sepse është kuadër i mirë, i edukuar drejt, i shkolluar mirë, dhe me një karrierë diplomatike e politike me të cilën jam jashtëzakonisht krenar.

Advertisement

---

MONEYGRAM

Qytetari i Kosovës, besoj unë, duhet ta ketë të qartë që, shtetin që e ndërtuam me djersë e me gjak, duhet ta çojë përpara brezi i ri, ashtu siç ne tashmë nuk mundemi. Republikën nuk e patëm dhuratë, fshatrat dhe qytetet e Kosovës e paguan më shtrenjtë se gjithçka tjetër lirinë e vet. E paguam me gjakun e dëshmorëve, civilëve të vrarë barbarisht, mes të cilëve edhe shumë pleq, gra e fëmijë.

Kam shpresë që kërkesa ime për ju sot nuk është e tepërt, pasi unë jam thellësisht i bindur, se Petriti në Kuvend do të jetë forcë e rëndësishme për vendin tim e tuajin.

Petriti si djalë i edukuar, e ka mbështetjen time si qytetar. Petriti si burrë i formuar e patriot, e ka mbështetjen time si luftëtar. Në fund, Petriti si njeri i drejtë me të gjithë, e ka mbështetjen time si baba.

Advertisement

---

MONEYGRAM

Kam qenë, jam dhe do të mbetem krenar me të. Po e dëgjuat thirrjen time për t’i besuar, jam i bindur që kështu do të ndiheni edhe ju.

I juaji,

Enver Hajdari.

Advertisement

---

MONEYGRAM