Erdogan dhe Putin kanë zhvilluar një bisedë telefonike mëngjesin e së mërkurës, ku fokusi kryesor ishte marrëveshja e grurit në Detin e Zi, raportojnë mediat e huaja.
Erdogan i tha Putinit gjatë një telefonate se nuk duhet të ndërmerren hapa që do të përshkallëzojnë tensionet, duke theksuar rëndësinë e një marrëveshjeje të grurit që ai e quajti një “urë për paqen”, sipas zyrës së liderit turk.
Marrëveshja, e ndërmjetësuar nga Turqia dhe Kombet e Bashkuara, i lejoi Ukrainës të eksportonte grurë përmes porteve të saj të Detit të Zi, por ajo u rrëzua muajin e kaluar pasi Moska u tërhoq.
