Presidenti i Turqisë, Rexhep Taip Erdogan sot në solemnitetin e Këshillit për Shkencë dhe Teknologji deklaroi se është arritur avancim i madh në zhvillimin e vaksinës dhe ilaçeve kundër Covid-19.
Ai shtoi se kjo është arritur në bashkëpunim me sektorin privat dhe universitetet.
“Turqia u bë vendi i tretë në botë, pas SHBA-së dhe Kinës e cila filloi të zhvillojë vaksinë. Këto janë të dhënat e Organizatës Botërore të Shëndetësisë” theksoi Erdogan.
Ai theksoi se për momentin punohet në zhvillimin e tetë llojeve të ndryshme të vaksinës dhe dhjetë projekteve mjekësore.
Erdogan potencoi se ka përfunduar testimi i dy llojeve të vaksinës ndaj kafshëve, ndërsa për një prej tyre është lejuar testim tek njerëzit.
