Christian Eriksen ka filluar stërvitjet me ekipin e të rinjve të Ajaxit.
Lajmi është konfirmuar edhe nga klubi holandez. Vet lojtari është shprehur i lumtur që është rikthyer tek Ajaxi. Ai për katër vjet ka luajtur te Ajaxi kur për një vit ishte pjesë e ekipit U19. Me Ajaxin, Eriksen ka fituar tre tituj kampioni të Holandës.
“Ndihet si të kthehem në shtëpi. Jam shumë i lumtur që jam këtu. Tek Ajaxi i njoh të gjithë dhe dua të stërvitem që të jap maksimumin”, deklaroi Eriksen.
29-vjeçari është në kërkim të një skuadre të re. Së fundmi danezi ka qenë në bisedime me ekipin anglez Brentfordit.
