Këngëtari i njohur, Ermal Fejzullahu, ka qenë së fundmi i ftuar në podcast-in “Flet” me gazetaren Ilnisa Agolli, ku ka folur hapur për tema që shkojnë përtej muzikës dhe jetës personale.
Gjatë intervistës, ai u përball me një pyetje interesante: “Nëse do ta shkrije pasurinë tënde, përveçse për familjen, a do të kishte një alternativë të dytë? Për kë, për çfarë?”.
Përgjigjja e tij ishte e menjëhershme dhe e ngarkuar me emocion e patriotizëm.
“Gjysmën e pasurisë, s’them krejt, gjysmën e pasurisë sot për me u bë Kosovë e Shqipëri një. Për Shqipërinë e madhe. Direkt, sot. Është ëndrra ime dhe do të jetë gjithmonë”, deklaroi Fejzullahu.
Për Ermalin, ideali i një Shqipërie të madhe nuk është thjesht një mendim i largët, por një ëndërr personale për të cilën është i gatshëm të sakrifikojë edhe një pjesë të pasurisë së tij.
Ky qëndrim përforcon imazhin e tij jo vetëm si artist i suksesshëm, por edhe si qytetar me vetëdije kombëtare dhe ndjenja të thella patriotike.
Në një kohë kur shumë figura publike shmangin deklaratat e tilla, Ermali zgjodhi të flasë me zemër dhe pa filtra. /Telegrafi/
