Etiopia do të thyejë rekordin duke mbjellë 200 milionë fidanë për 12 orë në pjesën jugore të vendit.
Në kuadër të projektit katër miliardë pemë të iniciuar nga kryeministri i vendit, Abiy Ahmed, më 29 korrik me pjesëmarrjen e dhjetëra mijëra personave do të mbillen 200 milionë fidanë në pjesën jugore të vendit.
Kryetari i Zyrës së Bujqësisë dhe Burimeve Natyrore të rajonit Gedeo, Leta Legesse është shprehur se për rajonin e tyre kanë përgatitur 10 milionë fidanë.
“Kemi përfunduar përgatitjet për një rekord të ri botëror”, u shpreh ai, duke theksuar se dëshirojnë të arrijnë synimin prej 4 miliardë, të cilin e ka vendosur kryeministri i vendit.
India në vitin 2016 kishte thyer rekord duke mbjellë mbi 50 milionë fidanë brenda 24 orëve me pjesëmarrjen e rreth 800 mijë personave./ATSH/
