Trafiku ajror pritet të bjerë me 55 % në vitin 2020, i krahasuar me vitin e kaluar, sipas organizatës europiane të aviacionit, Eurocontrol.
Kjo përfaqëson një rënie prej 6 milionë fluturimesh. Në prill, organi kishte parashikuar një rënie prej vetëm 5 milionë.
“Është vërtet shqetësuese për të gjithë industrinë”, tha drejtori i përgjithshëm i Eurocontrol-it, Eamonn Brennan.
“Janë një varg faktorësh në lojë”, shtoi ai.
Sipas Brennan, ka një mungesë koordinimi midis shteteve se si të menaxhojnë udhëtimet ajrore, ka shumë konfuzion dhe shumë pak besim nga ana e pasagjerëve dhe, sigurisht, janë edhe rastet e COVID-19 që po rriten në të gjithë Europën.