Eurodeputeti grek Manolis Kefalogiannis ka ngritur shqetësimin e tij në Komisioni Europian në lidhje me pronat në Himarë, të pakicës greke.
Kefalogiannis i është referuar dy çështjeve kryesore në lidhje me procesin e anëtarësimit të Shqipërisë në BE.
Ai është shprehur se Komisioni synon të sigurojë që Shqipëria të përmbushë detyrimet e saj pronësore dhe të sigurojë mbrojtjen e të drejtës themelore të pronës si të shtetasve shqiptarë, ashtu edhe të anëtarëve të pakicës kombëtare greke duke iu referuar tokave në Himarë.
Ai në Komisionin Europian tha se regjistrimit kadastral i pronave në Himarë është një nga kushtet që duhet të plotësojë Shqipëria.
Nënkryetari i Komisionit dhe Përfaqësuesi i Lartë i Bashkimit për Punë të Jashtme dhe Politikë të Sigurisë, Josep Borel në përgjigjen e tij ndaj Kefalogiannis tha se përparimi në procesin e regjistrimit të pasurisë është një çështje e rëndësishme që duhet reflektuar në kuadrin e negociatave.
