Shefi i Zyrës së Organizatës Botërore të Shëndetësisë për Evropën, Hans Kluge, ka deklaruar se periudha dhjetëjavore e rënies së rasteve të infektimit me koronavirus ka marrë fund dhe ka tërhequr vërejtjen se një valë e re mund të godasë kontinentin e vjetër po qe se njerëzit nuk disiplinohen dhe nuk vaksinohen.
Ai ka thënë se në javën e fundit është konfirmuar një ngritje prej 10 për qind e rasteve të reja. Ngritja është shkaktuar si pasojë e heqjes së masave kufizuese, rinisjes së udhëtimeve dhe lejimit të tubimeve.
Shefi i OBSH-së për Evropën ka thënë gjithashtu se varianti Delta deri në gusht do të dominojë në pothuajse 53 shtete të botës.
Ai ka shtuar se 63 për qind e qytetarëve në Evropë ende nuk janë vaksinuar as me dozën e parë.
Kluge u ka bërë thirrje njerëzve që në rast se i synojnë udhëtimet gjatë verës, duhet të vazhdojnë të mbajnë maska.
