Facebook dhe Google kanë njoftuar planet për të rihapur zyrat e tyre, por thonë se ata do t’i lënë punonjësit të vazhdojnë të punojnë nga shtëpia për pjesën tjetër të vitit.
Google fillimisht tha se do të mbante politikën e tij të punës nga shtëpia deri më 1 qershor, por po e zgjat atë për shtatë muaj të tjerë, ndërsa Facebook synon të rihapë zyrat e tij në 6 korrik pasi hapjet e bllokimeve do të zhvillohen gradualisht.
Shefi ekzekutiv i Google, Sundar Pichai tha se punonjësit që duhet të kthehen në zyrë do të jenë në gjendje ta bëjnë këtë nga korriku me masa të zgjeruara të sigurisë, por ata që mund të kryejnë punët e tyre nga shtëpia, do ta bëjnë këtë deri në fund të vitit.
Njoftimi përkon me atë të Facebook-ut, pasi shumë kompani do të fillojnë të përdorin strategjitë e tyre pas mbylljes.
“Facebook ka ndërmarrë hapin tjetër në filozofinë e tij të kthimit në punë. Sot, ne njoftuam çdokush që mund të bëjë punën e tij nga distanca, mund të zgjedhë ta bëjë këtë deri në fund të vitit,” tha një zëdhënës i kompanisë. (BBC)
