Kryeministrja e Italisë, Giorgia Meloni, ka reaguar për rastin e katër turistëve italianë, të cilët u larguan nga një restorant në Berat pa paguar faturën. Gjatë vizitës në Vlorë, së bashku me familjen e saj, Meloni urdhëroi ambasadorin italian që të paguante detyrimet.
Kryeministrja e vendit fqinj shprehet se faturën e ka paguar ajo personalisht, ndërsa dënon gjestin e bashkëqytetarëve të saj. Ajo ka shprehur keqardhje për ngjarjen, ndërsa shkruan se i “vjen turp dhe se nuk dëshiron që Italia të përflitet për ngjarje të tilla”.
Më tej, kryeministrja thekson se ky rast ka krijuar polemika në Itali nga opozita, e cila sipas Melonit “duket se preferon një tjetër imazh” të shtetit që ajo përfaqëson.
Postimi i Melonit:
Teksa isha në Shqipëri, kryeministri Rama më tregon historinë e 4 italianëve që ikën me vrap nga një restorant pa paguar faturën. Pronari i restorantit, pasi videoja e arratisjes u bë virale, tha se ishte ende i lumtur sepse bashkatdhetarët tanë kishin ngrënë mirë dhe ishin të lumtur.
Me vjen turp, sepse Italia që dua të përfaqësoj nuk është një Komb qe e bën veten te flasë jashtë për këto gjera, qe nuk respekton punën e te tjerëve, qe mendon se është qesharake duke i bere këtë të tjerëve. Kështu vendosa t’i kërkoja ambasadorit të shkonte të bashkonte faturën, të cilën e pagova personalisht. Asgjë e madhe, në fakt as që raportova për këtë.
Megjithatë kjo në Itali ka krijuar edhe polemika, nga një opozitë që me sa duket preferon një tjetër imazh të Italisë. Më vjen keq sepse shpresoja që të paktën të gjithë të bien dakord për diçka kaq të parëndësishme.
