Administrata e Ushqimit dhe Barnave e ShBA-së (FDA) ka tërhequr autorizimin e përdorimit të hidroksilorokinës si një trajtim për Covid-19. Ilaçi u promovua nga Presidenti i SHBA Donald Trump.
FDA tha që, bazuar në provat e fundit, nuk ishte më e arsyeshme të besohej se marrja e hidroksilorokinës dhe klorokina me ilaçin përkatës mund të ishte një trajtim efektiv për Covid-19 – sëmundja e shkaktuar nga koronavirusi.
Hidroksilorokina dhe klorokina janë përdorur prej kohësh për trajtimin e malaries, si dhe në raste të tjera të tilla si lupusi dhe artriti. Presidenti Trump e ka promovuar hidroksilorokinën, madje e mori vetë për pak kohë.
Edhe pse disa studime kishin sugjeruar se ilaçet nuk ishin efektive dhe mjekët paralajmëruan se mund të shkaktonin probleme në zemër, FDA kishte lejuar përdorimin e tyre gjatë provave klinike dhe në spitale.
Një nga provat më të mëdha në botë, i drejtuar nga Universiteti i Oksfordit, kohët e fundit arriti në përfundimin se “nuk ka asnjë efekt të dobishëm të hidroksilorokinës në pacientët e shtruar në spital me Covid-19”./BBC
