Miliona fëmijë janë në rrezik pasi gjatë kohës së bllokimit prej COVID-19 kalojnë kohën më të gjatë në internet tha sot UNICEF dhe organizatat partnere.
“Pandemia e koronavirusit ka çuar në një rritje të paparë në të kohës para ekranit” tha Partneriteti Global për t’i dhënë fund Dhunës Dr Hoëard Taylor. “Mbyllja e shkollave dhe masat e rrepta të kontrollit ka detyruar gjithnjë e më shumë familjet të mbështeten te teknologjia dhe zgjidhje dixhitale për t’i mbajtur fëmijët të mësojnë, të argëtohen dhe të lidhen me botën e jashtme, por jo të gjithë fëmijët kanë njohuritë, aftësitë dhe burimet e nevojshme të sigurisë në internet.”
Më shumë se 1.5 miliardë fëmijë dhe të rinj janë prekur nga mbyllja e shkollave në të gjithë botën. Shumë nga këta studentë tani po bëjnë mësimet online, si dhe po shoqërohen më shumë në internet. Kalimi I kohës së gjatë në platformat virtuale mund t’i bëjë fëmijët më të prekshëm nga shfrytëzimi seksual nga abuzuesit që kërkojnë të shfrytëzojnë pandeminë COVID-19. Mungesa e kontaktit ballë për ballë me miqtë dhe mund të çojë në rritjen e rrezikut, siç është dërgimi i imazheve seksuale, mund t’i ekspozojë fëmijët ndaj përmbajtjes potencialisht të dëmshme dhe të dhunshme, si dhe rrezikut më të madh të sulmit në internet.
UNICEF së bashku me partnerët e tij, Partneriteti Global për t’i dhënë fund dhunës ndaj fëmijëve, Unioni Ndërkombëtar i Telekomunikacionit (ITU), Organizata Arsimore, Shkencore dhe Kulturore e Kombeve të Bashkuara (UNESCO), Zyra e KB për Drogat dhe Krimin (UNODC), Organizata Botërore e Shëndetit (ËHO), dhe Fondacioni Botëror i Fëmijërisë USA (Childhood USA), po bën gati draft teknik që synon të nxisë qeveritë, industritë e TIK-ut, arsimtarët dhe prindërit që të jenë vigjilentë, të marrin masa urgjente për të zbutur rreziqet e mundshme dhe për të siguruar që përvojat në internet të fëmijëve të jenë të sigurta dhe pozitive gjatë COVID-19.
“Nën hijen e COVID-19, jeta e miliona fëmijëve është zvogëluar përkohësisht vetëm në shtëpitë dhe ekranet e tyre. Ne duhet t’i ndihmojmë ata të lundrojnë në realitetin e ri,” tha Drejtoresha Ekzekutive e UNICEF, Henrietta Fore. “Ne i bëjmë thirrje qeverive dhe industrisë të bashkojnë forcat për t’i mbajtur fëmijët dhe të rinjtë të sigurtë në internet përmes teknikave dhe mjeteve të përmirësuara të sigurisë për t’i ndihmuar prindërit dhe mësuesit t’i mësojnë fëmijët e tyre se si të përdorin internetin në mënyrë të sigurt.” (Burimi: https://www.unicef.org/press-releases/children-increased-risk-harm-online-during-global-covid-19-pandemic?fbclid=IwAR0rlZP-BZ8Uoc15sR3s2pKFGiL-BkOOyo2VvsEHG4Kr-3lJlCLDaxi-w8E)
