Klubi i madh turk Fenerbahçe po mendon ta shesë yllin e Kosovës, Vedat Muriqi për 15 milionë euro, shkruan “Aksham”.
Kriza financiare që ka ardhur si rrjedhojë e mbylljes shkaku i koronavirusit, ka shtyrë menaxhmentin e klubit të konsiderojë shitjen e Muriqit për shumë më të vogël. Fillimisht Fenerbahçe kërkonte 25 milionë euro për sulmuesin. Raportohet se 15 për qind nga shuma e transferimit do të shkojë te ish-klubi i Muriqit, Rizespor.
Klube nga Premier League e Anglisë dhe Serie A e Italisë po interesohen për reprezentuesin e Kosovës. Tottenhami është ndër klubet që po insiston më së tepërmi për transferimin e yllit kosovar.
