Real Madridi ka arritur në një tjetër finale të Ligës së Kampionëve.
Los Blancos bën një ndeshje spektakolare ndaj Manchester Cityt dhe fituan me rikthim 3-1 për të kaluar në finalen e madhe ku e pret Liverpooli.
Braziliani Rodrygo shënoi dy gola, ndërsa Karim Benzema një tjetër për t’i dhënë fitoren e madhe Realit.
Pas triumfit ndaj Cityt, ka pasur një festë jashtëzakonisht të madhe në dhomat e zhveshjes së Los Blancos.
Futbollistët ishin të entuziazmuar me triumfin, derisa nuk kanë munguar vallëzimet dhe këngët nga të gjithë.
Vinicius Junior, Eduardo Camavinga, Rodrygo e Ferland Mendy ishin lojtarët që festonin më së shumti duke bërë edhe vallëzime atraktive.
Mbretërit tani në finalen e madhe do të takohen me Liverpoolin ku synojnë ta fitojnë trofeun e 14-të në Ligën e Kampionëve.
