Pritje madhështore për vajzat e Kombëtares Angleze në sheshin “Trafalgar” të Londrës ku mijëra njerëz mbështetën me ovacione “luaneshat” në një ditë të nxehtë por të përballueshme për tifozët që mbushën sheshin kryesor të kryeqëndrës së Anglisë.
Skuadra me trajneren Sarina Wiegman që fituan të parin trofe të rëndësishëm dhe të dytin për Anglinë pas botërorit 1966 nga meshkujt, u shfaq në një podium ku pjesa më e madhe e lojtareve falënderuan të pranishmit.
Ato mbërritën në Londrën qëndrore pas një rrugëtimi të shkurtër në një autobus të hapur ku mbanin trofeun e Kupës së Europës që e fituan ashtu si në vitin 1966 nga meshkujt po ndaj Gjermanisë në “Wembley”.
I pranishëm në këtë ceremoni ishte edhe kryebashkiaku i Londrës, Sadiq Khan.
Shikoni pamjet e festës angleze;
