Hetuesit francezë janë shprehur të zhgënjyer për dështimin e autoriteteve për të gjetur “Fiat Uno”-n e bardhë që mund të jetë përfshirë në aksidentin automobilistik në të cilin u vra Diana, Princesha e Uellsit, 25 vjet më parë.
Diana ishte 36 vjeç kur u vra në një aksident në Paris më 31 gusht 1997, me partnerin e saj, Dodi Fayed, djalin e Mohamed Al Fayed, ish-pronar i Harrods.
Sipas dëshmitarëve, një makinë e vogël e bardhë ishte afër Mercedesit me të cilin po udhëtonte Diana para se të përplasej. Hetuesit besojnë se dy makinat u përplasën me shpejtësi të madhe përpara se Mercedesi të përfundonte në një shtyllë në tunelin Pont de l’Alma.
Detektivët francezë të vitit 1997 thanë për një dokumentar të Channel 4 se shoferi mund të kishte hedhur dritë mbi lëvizjet e Mercedesit disa momente përpara përplasjes.
“E gjithë bota ka luftuar të pranojë që Diana vdiq në një aksident të zakonshëm. Unë kam zhgënjim për ‘Fiat Uno’…”, tha një prej dedektivëve.
Hetuesit thanë se një çift pa një “Fiat Uno” të bardhë duke u larguar nga tuneli. Shoferi i saj ishte fokusuar në pasqyrat e tij, një person me ngjyrë, me flokë të shkurtër. Në makinë ishte edhe një qen”, tha më tej.
Dhjetë vjet pas aksidentit, një hetim prej 4.5 milionë funtesh zbuloi se Diana mbeti e vdekur pas përplasjes dhe se shoferi i Mercedesit, Henri Paul ishte i dehur dhe ngiste shumë shpejt, pasi mjeti po ndiqej nga paparacët. Sipas ekspertëve, Diana dhe Dodi mund të kishin mbijetuar nëse do të kishin vendosur rripat e sigurimit./The Times
