Ministri i Shëndetësisë, Venko FIlipçe ka informuar se kompania Pfizer, e cila e prodhon vaksinën për KOVID-19, është përgjigjur shkrimit të Ministrisë së Shëndetësisë dhe se mund të fillojnë bisedimet direkte për tu furnizuar me vaksinën e kësaj kompanie.
Filipçe ka thënë se përpos mekanizmit Kovax, vendi ynë ka vendosur komunikim direkt me Pfizer dhe Astra Zeneka për të siguruar doza shtesë të vaksinës.
“Këtë javë presim përgjigje edhe nga Astra Zeneca që do të thotë që edhe nëpërmjet komunikimit direkt me kompanitë prodhues do të bisedojmë për të siguruar sasi shtesë. Mekanizmi i tretë është nëpërmjet vendeve anëtare të BE-së, për shkak se në marrëveshjet e tyre përpos për shtetasit e tyre, kanë një sasi të caktuar e cila është e dedikuar për vendet tjera të cilat nuk janë anëtare të BE-së”, ka thënë Filipçe, përcjell Shenja.