Ministri i Shëndetësisë, Venko Filipçe, thotë se të gjitha vaksinat janë të sigurta. Por nuk precizon se me cilin lloj të vaksinës do të fillojë vaksinimi në vendin tonë.
“Të gjitha vaksinat janë të sigurta, me cilin lloj do të fillojë vaksinimi varet nga dinamika e realizimit të marrëveshjeve. Punonjësit shëndetësor të cilët punojnë me pacientët me Covid-19, lista e të moshuarve, qytetarët me sëmundje kronike, kemi lista me emër dhe mbiemër, ata do të jenë të parët që do të vaksinohen”, deklaroi Filipçe.
Filipçe gjithashtu bëri të ditur se 200 mijë vaksina do të arrijnë nga Kina dhe me këtë do të fillojë edhe imunizimi.
