Jamie Foxx ka qenë duke i kushtuar kohë të madhe transformimit të trupit, për filmin biografik të Mike Tyson. Përmes rrjeteve sociale, ai ka treguar figurën muskulore, e cila i është afruar në masë të madhe atij të Tyson.
“Nuk ka asnjë sekret që unë kam ndjekur për të arritur një gjë të tillë. Njerëzit më pyesin se kur do të ndodhë. Gjërat janë në përgatitje e sipër, disa muaj dhe do të vazhdojmë aventurën.
I ndava herët këto fotografi, por siç thash, kemi rrugë për të bërë”, ka shkruar ai.
Foxx për herë të parë e ka takuar Tyson para 30 vitesh, pas një ndeshjes ky boksieri i njohur u bë njëri prej kampionëve më të rinj në histori.
Boksieri kishte arritur të fitonte titujt kryesor për nëntë herë me radhe, derisa u mund nga Buster Douglas në Tokyo, në vitin 1990.
