Në ditën e finales së Conference League, e cila zhvillohet më 25 maj në Tiranë, Ministria e Arsimit ka vendosur që edhe institucionet arsimore të jenë pushim.
“Referuar vendimit të qeverisë për shpalljen e datës 25 Maj ditë pushimi për Qarkun e Tiranës, në kuadër të masave të marra për finalen e Conference League, ju njoftoj se të gjitha institucionet arsimore publike dhe private (përfshirë kopshtet, shkollat, universitetet, zyrat arsimore, etj.), do të jenë pushim.
Le të jemi të gjithë pjesë e kësaj ngjarjeje të madhe dhe të mirëpresim vizitorët nga e gjithë Europa!”, njoftoi përmes një statusi në Facebook ministrja e Arsimit, Evis Kushi.
