Argjentina zbuloi skuadrën me futbollistët e grumbulluar për Finalen e Madhe kundër Italisë në Wembley.
Ndeshja e 1 qershorit do të vendosë përballë fituesen e Kupës së Amerikës, kundër ekipit kampion të Europës.
Në listën e publikuar nga trajneri Skaloni spikat prezenca e Lionel Messit. Kapiteni i “albiçelestëve” do të jetë i pranishëm në këtë përballje, ashtu si edhe emrat e tjerë të mëdhenj të ekipit. Mes tyre janë Dibala, Lautaro Martinez dhe Korrea.
