Finlanda e ka mbyllur me fitore ndeshjen e parë historike në një turne madhor, duke mposhtur Danimarkën me rezultat minimal 1:0.
Ndeshja, e cila në vete pati një episod të rëndë pas kolapsit të Christian Eriksen, u dominua tërësisht nga Danimarka, por fitorja i takoi finlandezëve.
Finlanda me të vetmen goditje gjatë 90 minutave, realizoi gol përmes sulmuesit Joel Pohjanpalo (60’).
Danezët kishin shansin e artë ta barazonin rezultatin, por Hojbjerg dështoi nga penalltia në minutën e 74-të.
Danimarka ndeshjen e radhës e luan me Belgjikën, ndërsa Finlanda me Rusinë.
