Firma britanike e sigurisë detare Ambrey, ka njoftuar ditën e sotme për një incident me raketa në perëndim të qytetit port të Jemenit, Hodeidah, në Detin e Kuq. Ndërkohë, agjencia e Operacioneve të Tregtisë Detare të Mbretërisë së Bashkuar (UKMTO) tha se kishte marrë një raport për një incident 71 milje detare në jugperëndim të portit Saleef të Jemenit.
Kujtojmë se rebelët Huthi të Jemenit të lidhur me Iranin kanë sulmuar anijet në Detin e Kuq dhe Gjirin e Adenit që nga nëntori në atë që ata thonë se është një fushatë solidariteti me palestinezët gjatë luftës së Izraelit me Hamasin në Gaza.
