Ylli i boksit britanik, Amir Khan është grabitur në mes të rrugës nga disa persona në Londër. Nën kërcënimin e armës, Khan është detyruar të japë orën e tij, teksa bashkëshortja e 35 vjeçarit ka qenë disa hapa më larg duke parë të gjithë ngjarjen.
Në rrjetet sociale, Khan tha se u përball me dy burra të armatosur ndërsa shtoi se doli i padëmtuar nga ngjarja dhe se bashkëshortja e tij Faryal Makhdoom ishte mirë.
“Sapo më hoqën orën nga dora me armë në lindje të Londrës, Leyton”, tha ish-kampioni i peshave të lehta të WBA dhe IBF. Kujtojmë se kampioni shqiptar Florian Marku e ka sfiduar Khan vetëm pak javë më parë, ndërsa sfida mes tyre mund të zhvillohet në Tiranë.
