Fondacioni Besa e ka quajtur dorëheqje të vonuar, dorëheqjen e kryeministrit të Kosovës, Ramush Haradinaj, duke vlerësuar se Kosova është shteti më izoluar në Evropë si rezultat i kësaj qeverie.
Fondacioni i bizneseve shqiptare në Bavari të Gjermanisë, njoftojnë se këto biznese kanë kërkuar disa herë jo vetëm për faljen e disa hektarëve Malit të Zi, por edhe për faljen e borxhit të kompanive përfituese, për rritjen e pagës vetvetes dhe për rritjen në pakufi të veteranëve
Deklarata e plotë e Fondacionit Besa:
Dorëheqja e vonuar me pretekst të gabuar
Kosova është shteti më izoluar në Evrope si rezultat i kësaj qeverie.
Bizneset bavareze kërkuan nga ju shumëherë dorëheqje, jo vetëm për faljen e disa hektarëve Malit të Zi, por edhe për faljen e borxhit të kompanive përfituese, për numrin e madh të panevojshëm, për rritjen e pagës vetvetes, për rritjen në pakufi të veteranëve, për rritjen e papunësisë, për formimin e komisionit parlamentar jo kushtetues, për mos dënimin e qitjes me alltia, shkurt ju si një idol kombëtar i luftës që ishit, fatkeqësisht keni dështuar në paqe.
Sapo dëgjuam se ju keni dhënë dorëheqje menduam se e keni bërë për shkak të gabimit fatal, duke kritikuar komisionin për vlerësimin e cilësisë në arsim!
Ju dhe shokët e juaj nuk mund te avanconi Kosovën dhe të bëni konkurrente me vendet në rajon. Të rinjtë janë duke ikur, do të mbeteni vetëm nëse do të vazhdonit kësisoji. Prandaj kjo dorëheqje është e mirëseardhur, por gjykata është një alibi. Deklarata juaj se ju prapë do të garoni për kryeministër tregon se kjo dorëheqjeje nuk është e sinqertë, sepse arsyen e ka të gabuar.
Tani Kosovës i duhet gjenerata e tjetër bashkërisht me diasporën të udhëheqë me qeverinë e vendit.
Kosovës i duhet gjenerata e Majlindes, e Rites e Duas, e Zenelit e shume te rinjve që kanë aftësi profesionale dhe zgjedhje kreative.
Popullzimi i takon të kaluarës.
Aty ku ju nuk keni qasje ka përparim, aty ku ju keni qasje ka stagnim, sikur në Telekom, arsim, politikë të jashtme, bile tanimë edhe qeshjet kane filluar te dënohen.
Të dënosh qeshjet dhe harenë është vetëvrasje.
Lufta e UÇK-së dhe territori i Kosovës janë të shenjet, prandaj mos u merakosni se askush nuk do te mund cenojë këto të dyja.
Këtë Gjykate Speciale vetvetiu e keni votuar ne Parlament, sepse nuk keni qenë të zotët që të bëni këtë mekanizëm të tillë, keni dështuar. Ata që votuan kundër kësaj gjykatë u paragjykuan. Burrat në kohën moderne maten me rezultate!
