Brigada e Aviacionit Luftarak të ushtrisë amerikane ka dërguar forca për të ndihmuar në fikjen e zjarreve masive që kanë kapluar Big Islandin në Hawaii të Shteteve të Bashkuara të Amerikës.
Pamjet e publikuara nga ushtria shfaqin pjesëtarët e ushtrisë tek luftojnë kundër zjarreve që kanë djegur territoret e përshkuara nga thatësia.
Në operacionet e shuarjes së zjarreve janë angazhuar edhe aeroplanë ushtarakë. Zjarrfikësit kanë vënë nën kontroll disa prej vatrave të zjarreve që kanë shkaktuar evakuimin e mijëra personave gjatë fundjavës dhe kanë shkatërruar të paktën dy shtëpi në Bid Island.
Por autoritetet kanë paralajmëruar se erërat e fuqishme që kanë fryrë që nga e hëna mund ta rrisin rrezikun nga përhapja edhe më e madhe e flakëve.
Zyrtarët në Big Island kanë njoftuar se flakët kanë prekur një territor prej afro 100-kilometrash katrorë, duke u cilësuar si më të mëdha të regjistruara ndonjëherë në këtë zonë.
