Forumin Veror i Davosit mbylli punimet këtë të enjte (29 qershor). Ai zhvillua në në qytetin Tianjin të Kinës Veriore.
Në forum morën pjesë më shumë se 1 500 politikanë, biznesmenë dhe studiues nga afro 100 vende e rajone anembanë botës, ndërsa pjesë mori edhe Kryeministri kinez Li Qiang.
Ky i fundit u shpreh se nën drejtimin e konceptit të presidentit Xi Jinping për krijimin e bashkësisë me fate të përbashkëta të njerëzimit, duhet të zbatojmë së bashku nismat e zhvillimit, të sigurisë dhe të qytetërimit global e të përpiqemi të ndërtojmë një botë më të mire.
Li theksoi se, në 10 vjetët e fundit, Kina ka qenë një forcë e rëndësishme nxitëse e rritjes së ekonomisë botërore e në të ardhmen do të vijojë t’i japë shtysë të fortë mëkëmbjes e rritjes së ekonomisë globale.
Gjatë sesionit të fundit të forumit, drejtorja e përgjithshme e Organizatës Botërore të Tregtisë (OBT) Ngozi Okonjo-Iëeala u shpreh se Kina ka vazhduar të promovojë hapjen, ka mbështetur sistemin tregtar shumëpalësh dhe ka pasur arritje të jashtëzakonshme në ecurinë e zhvillimit të saj.
Ajo gjithashtu vuri në dukje se OBT-ja pret të punojë nga afër me Kinën për të dhënë ndihmesë të mëtejshme në reformimin e OBT-së dhe mbrojtjen e sistemit tregtar shumëpalësh.
