Policia e Tiranës ka arrestuar dy vëllezër që kishin kthyer banesën e tyre në Laknas në një “shtëpi bari” për kultivimin e kanabisit.
Kati i tretë i banesës përdorej për këtë aktivitet.
Gjatë kontrollit, policia sekuestroi 20 bimë kanabis rreth 60 cm të larta, një sasi droge të përpunuar, llamba speciale, ventilatorë dhe pajisje të tjera elektrike të përdorura për kultivim në ambiente të mbyllura.
Mësohet se dy vëllezërit më parë ishin marrë me të njëjtin aktivitet të paligjshëm në Angli, përpara se të ktheheshin në Shqipëri për ta vazhduar në Laknas.
