Gazetari i kronikës së zezë, Artan Hoxha ndodhet prej disa ditësh në Amerikën Latine, konkretisht në Ekuador, vend i cili është kthyer në njërin prej burimeve kryesore të kontejnerëve me kokainë që vijnë drejt vendit tonë.
Gazetari ka publikuar fotot nga zyra e Doktor Giancarlo Almeida, prokuror për krime transnacionale me qendër në provincën e Guayas, ku shfaqen kuti kartoni bananesh të mbushura me dosjet e karteleve dhe organizatave te krimit te organizuar nderkombetar.
Hoxha thotë se në ato arka bananesh kishte dhe dhe emra organizatash shqiptare të narkotrafikut, përfshirë emra personazhesh të degjuar dhe të padegjuar.
“Une kujtoja se me arkat prej kartoni te bananeve, mbahen vetem banane!!!! Por ne Ekuador, prokuroret e Guayaquilit, ne arkat prej kartoni te bananeve, mbanin fashikujt e dosjeve te karteleve dhe organizatave te krimit te organizuar nderkombetar… Kjo qe duket si magazine bananesh nga Maminasi, nuk ishte zyre dosido, por ishte zyra e nje prokurori te rendesishem… Me kushtet qe punonin prokuroret ne Ekuador, prokuroret tane nuk duhet ta hapin gojen fare, se punojne ne ambjente luksi… Ne ato arka bananesh mbushur perplote me dosje, kishte dhe emra organizatash shqiptare te narkotrafikut, perfshire emra personazhesh te degjuar dhe te padegjuar. Por do kemi dimer te gjate perpara, per te treguar kush jane boset ne renie dhe mbreterit e rinj te kokaines nga Amerika Latine drejt Europes… Ne zyren prej 9 metrash katrore e prokurorit publik për krime transnacionale me qendër në provincën e Guayas, Doktor Giancarlo Almeida….”-shkruan Hoxha.
