Një kopje e çuditshme e qytetit të Parisit e kompletuar edhe me një kullë Eiffel të rreme shtrihet pothuajse e braktisur në Kinë. Tianducheng, në Hangzhou, mund të ngatërrohet lehtësisht me kryeqytetin francez në shikim të parë me arkitekturën tejet pariziane.
Statujat e ndryshkura në skajin e kullës Eifel dhe ndërtesat industriale me shtëllunga tymi në sfond shkatërrojnë iluzionin romantik të Parisit. Për vite me radhë, imituesi i pashëm ishte një qytet fantazmë, me vetëm 2000 banorë që e quanin atë shtëpinë e tyre.
Kulla Eiffel e saj është vetëm një e treta e lartësisë së origjinalit francez, me lartësi vetëm 91 metra. Imitimi i Champs-Elysees Avenue është jashtëzakonisht i qetë në krahasim me atë real.
Kulla Eiffel
Edhe pse shtëpitë e stilit Haussmann rreshtohen në rrugët e “Parisit të Lindjes”, brenda tyre ato mbeten bosh. Tianducheng është i rrethuar nga hektarë tokë bujqësore dhe është përfshirë nga smogu i dendur nga qytetet industriale aty pranë.
Vetëm turistët dhe çiftet e sapomartuara në kërkim të një sfondi të përsosur, nisen për një udhëtim njëorësh nga kryeqyteti i provincës. Por pavarësisht përpjekjeve për të rritur popullsinë, qyteti ende jep një ndjenjë të frikshme.
Është vetëm një nga shumë monumentet e çuditshme “të rreme” të ndërtuara nga Kina gjatë pasionit të saj për “klonimin”.
