Fqinji i Dan Hutrës ka folur për mediat duke e cilësuar “monstër” autorin e vrasjes së 3 grave dje në Tiranë. Ai ka treguar një histori se e kishte rrahur Danin pasi i kishte vjedhur furgonin.
Sipas fqinjit, 40-vjeçari ka qenë i fejuar me dy vajza të tjera por është ndarë pasi ishte i dhunshëm.
Më tej, ai rrëfen se Dan Hutra ka përdhunuar edhe kunatat e veta.
“Ka qenë monstër nga fillimi deri në fund. Njëherë ka qenë i fejuar me 2 goca tjera dhe e panë që është i dhunshëm dhe ikën. Pastaj përdhunoi kunatat e veta. I ka çuar nga liqeni dhe kur kanë ardhur në mëngjes ishin katandisur. Familja tjetër ka qenë e mirë por ky ishte monstër. Ka pas mbushur ujë te shtëpia ime. E kam pas rrahur njëherë. Më duket se ka ardhur të më vrasë mua. E kam rrahur se më bëri shumë dëm. Po bënin një darkë që ishte fejuar motra e vet. Ky monstra tha hajde ta çojmë në spital. E çuam dhe e solla prap këtu.
Më tha sa lekë bën. I thashë për spital është falas. E çova unë atje dhe atë natë më ka vjedhur furgonin. E zura dhe i futa një të rrahur. Nëna e saj ka ikur, më duket se jeton te vajzat. Vëllezërit kanë ikur. Mori një vajzë tjetër, e mbajti 2 muaj dhe ikën me qera te Fusha e Aviacionit dhe i futi thikën në zemër, e vrau. Që prej asaj kohe ca nuk ka bërë. Ai duhet të rrinte brenda. Dje kisha frikë të dilja. Ka pasur gjithë veset e këqija, përdhunues, mashtrues”, tha fqinji.
